CoVID-19: Folgende Destinationen sind aktuell ohne Quarantäne bereisbar: Direkt zur Liste & Informationen

Kundenfeedback | 3 Wochen Philippinen

bereiste Philippinen

Mandy & Vanessa

So schnell gönd 3 Wuche Ferie umä - und schowieder höckli im Büro bim schaffä. De Mandy und ich hend euis vo herze welle für die super Ferie bedanke - es het euis meeega guet ta und mir sind au sehr erholt heicho. Die Orte und Resorts sind super usgsuecht worde, es gäbt keis woni nümm wür hiigah. Casa Kalaw isch in El Nido super gläge (han ja am afang angst gha, wills eso nöch am Flughafe isch - jetzt denki grad sgegeteil devo). Lio Beach isch 1000 mal besser gsi als wenn mer in El Nido Town gschlafe hettet. Ich würs sofort wieder eso mache und au Casa Kalaw wieder wähle.

Mir hend super Toure in El Nido unternoh und ich han mich mega in Palawan verliebt - wür mer am liebste dete es Hüüsli baue. In Panglao hemmer au es hammermässigs Resort gha. Super Service, super ässe und es super Zimmer. In Panglao isch de Mandy no chrank worde und het 2 Täg im Bett verbracht. DLüüt vom Resort hend aber sofort en Arzt organisiert, Medikament gholt für ihn und immer wieder verbii cho zum luege wies ihm gaht. Also au da: TOP!

Discovery Shore in Boracay isch the top of the top gsi! Scho fast chli zvill Service für mich - bis mer gar nöd gwohnt. Am 9:00 hends euis am Pool d'Sunnebrülle putzt, 2 Stund spöter hends euis Snacks bracht, mitme Erfrüschigsspray sGsicht erfrüscht und jede Abig euses Bett parat gmacht für d'Nacht. So liebi Lüüt wie i dem Resort hani nonie gseh.

Leider hemmer in Boracay nöd grad s'Bescht Wätter gha, aber nach dene super Abentüürriche Tääg hend euis es paar Erholgstäg in Boracay super ta. Alles isch super organisiert gsi, jede Transfer het super klappet und mir hend euis um nüt müese sorge. Für das möchtet mir euis mega bedanke!

DANKE DANKE DANKE 🙂! Ganz liebi Grüessli vo 2 sehr erholte Chunde